PK-ja ka bërë të ditur se sot në rajonin e Ferizajt, Njësia Rajonale e Komunikacionit Rrugor ka nisur kontrollimin e komunikacionit përmes dronit të policisë.
Ky aksion sipas policisë së Kosovës do të vazhdoj gjatë muajit mars 2022, nëpër rrugët magjistrale, rajonale e lokale të rajonit të Ferizajt, shkruan teve1.info
“Sot, në rajonin e Ferizajt, Njësia Rajonale e Komunikacionit Rrugor ka nisur kontrollimin e komunikacionit përmes dronit të policisë , aksion ky që do të vazhdojë përgjatë gjithë muajit mars 2022 nëpër rrugët magjistrale , rajonale dhe lokale të rajonit të Ferizajt”, thuhet në njoftim.
Aksioni i policisë ka për qëllim identifikimin e kundërvajtjeve të ndryshëm në komunikacion, si: tejkalimi në vijë të plotë, kyçjet kyçjet e pasigurta në rrugë, tejkalimin e shpejtësisë , përdorimi i telefonit , mos përdorimi i rripit të sigurisë dhe kundërvajtje tjera që, shoferët me veprime të tilla mund të shkaktojnë aksidente në komunikacion.
Po ashtu policia fton të gjithë qytetarët e Kosovës që të bashkëpunojnë me policinë nëse hasin në kundërvajtje që mund të shkaktohen në komunikacion./teve1.info
