Agjencia e Shërbimeve të Navigacionit Ajror ka dhënë parashikimin e motit në ditët në vijim në Kosovë, sipas së cilit, gjatë fundjavës së ardhshme pritet që të bjerë borë në viset e ulëta.
Sipas njoftimit për medie, temperaturat gjatë kësaj periudhe do të lëvizin nga 0 deri 5 gradë celsius minimalja dhe 10 deri në 13 gradë celsius maksimalja.
“Pas shiut që ra të mërkurën që lamë pas në sasi mbi mesatare, vendi ynë ditëve në vijim dhe javën që vjen do të përshkohet me riga lokale shiu që do të jenë të shtuara në intensitet në intervale kohore të shkurtra, sipërfaqet në nivelet mbi 1200m lartësi mund të mbulohen edhe nga shtresa të cekëta bore. Shtresat e petkut të bardhë sipas modeleve në dispozicion pritet të zënë vend në sipërfaqet e ulëta jo para fundit të javës së ardhshme”, thuhet në njoftim.
Temperaturat minimale do të sillen nga 03°C deri në 05°C ndërsa temperaturat maksimale nga 10°C deri në 13°C.
Erërat do të jenë kryesisht jug-jugperëndimore, me rritje në intensitet përgjatë ditës nga 03 m/s deri në 20m/s.
