Policia e Kosovës ka bërë të ditur që gjatë 24 orëve të fundit në Kosovë kanë ndodhur tri vdekje të cilat janë cilësuar të dyshimta, raporton teve1.info.
Rasti i parë ka ndodhur në mëngjesin e djeshëm në fshatin Kervasari në Malishevë, ku një person nga njësia policore është gjetur i shtrirë në tokë. Ndërkohë, vdekja e tij është konstatuar nga ekipi mjekësor.
Edhe rasti i dytë ka ndodhur në të njëjtën kohë, por në fshatin Badovc i Ri në Graqanicë. Sipas Policisë, një person i gjinisë mashkullore është gjetur pa shenja jete në shtëpinë e tij. Vdekjen e viktimës e ka konstatuar ekipi mjekësor në vendin e ngjarjes.
Ndërkaq, rasti tjetër ka ndodhur në pasditen e djeshme në kryeqytet, derisa një person ka raportuar se është njoftuar nga stafi i QKUK-së se vajza e tij ka ndërruar jetë. Babi ka raportuar në Polici se vajza e tij ka qenë duke u trajtuar dhe aty ka ndërruar jetë.
Sipas Policisë, me vendim të prokurorëve të tri viktimat janë dërguar në IML për obduksion, derisa hetimet janë ende duke vazhduar.
