Pesë shtetas të Maqedonisë së Veriut dhe një shtetase e Kosovës kanë mbetur të lënduar si pasojë e një aksidenti që ka ndodhur të mërkurën në fshatin Kamen të Leposaviqit.
Lajmin për tëvë1.info e ka konfirmuar zëvendësdrejtori i Policisë në veri të Mitrovicës, Veton Elshani.
Elshani ka bërë të ditur se të gjithë personat e lënduar janë dërguar në Spitalin Rajonal të Mitrovicës për trajtim mjekësor.
“Njësiti Rajonal i Trafikut Rrugor Mitrovicë Veri, me datë 05.03. 2025, rreth orës 13:20, është njoftuar për një aksident në magjistralen Leposaviq-Jarinjë përkatësisht në fshatin Kamen, Leposaviq.Në vendin e ngjarjes kanë dalë njësitet kompetente të Njësitit Rajonal të Trafikut Rrugor (NJRTRR), zjarrfikësit si dhe shërbimi emergjent mjekësor.Rasti është duke u hetuar nga njësitet kompetente për të përcaktuar shkaqet e aksidentit.Si pasojë e këtij aksidenti, lëndime kanë pësuar 6 (gjashtë) persona: 5 shtetas të Maqedonisë së Veriut dhe 1 shtetase e Kosovës. Të gjithë personat e lënduar janë dërguar në Spitalin Rajonal Mitrovicë dhe të njëjtit janë duke pranuar trajtim mjekësor”, ka thënë Elshani.
