Gjashtë persona kanë mbetur të lënduar si pasojë e një aksidenti sot në Gjakovë.
Zëdhënësi i Policisë, Sheremet Elezaj bën të ditur për Teve1.info se në aksident kanë qenë të përfshira pesë vetura.
“Rreth orës 13:35 është raportuar aksident trafiku në fshatin Qerim-Gjakovë. Policia ka dalë në vendin e ngjarjes ku të përfshirë në aksident kanë qenë pesë automjete (tri në lëvizje, ndërsa dy të parkuara). Për pasojë, gjashtë persona kanë kërkuar ndihmë mjekësore”, theksoi ai.
Elezaj shtoi se njëri prej të lënduarve vazhdon trajtimin në Spitalin Rajonal në Gjakovë, ndërsa të tjerët janë liruar. /Teve1.info/
