Edhe sot vazhdoi skenari i njëjtë në Kuvendin e Kosovës, duke vazhduar bllokadën edhe për 48 orë.
Meqë obligimet kushtetuese nuk po i përmbushin, disa prej tyre duket që kanë kohë që të bëjnë veprime të tilla.
Partia fituese përmes deputetit Glauk Konjufca sërish propozoi Albulena Haxhiun për kryetare të Kuvendit.
Qëndrimi i partive opozitare nuk ndryshoi fare.
Haxhiu i mori vetëm 57 vota për, katër më pak se minimumi prej 61 votave të nevojshme për t’u emëruar në postin e kryeparlamentares.
Andaj, të zgjedhurit e popullit as për herë të gjashtë nuk arritën ta konstituojnë institucionin legjislativ.
Pas përfundimit të seancës, ministria ne detyrë Albulena Haxhiu deklaroi se janë të gatshëm të shkojnë në zgjedhje nëse dështon të konstituohet Kuvendi.
“Duket që ka mungesë të vullnetit që të konstituohet Kuvendi i Kosovës, por ne jemi shumë të gatshëm që t’i presim partitë politike që të flasim me to për datën e zgjedhjeve”.
Seanca e radhës do të mbahet të dielën nga ora 10:00.
