“Sa herë që vjen 11 prilli më vlojnë emocione por me krenari i përkujtoj të gjithë të rënët që me gjakun e tyre u bë gurëthemeli i lirisë së Republikës së Kosovës që sot ne e gëzojmë. Vrasja e Agimit për mua ka qenë e panjohur. Megjithatë tek ushtarët në vijën e frontit ka reflektuar në mënyrë pozitive shumë që për gjakun e Agimit do të hakmerremi. Vrasja e tij ishte motivi kryesor që të vazhdoj lufta dhe të mos ndërpritet deri në çlirimin e Kosovës”, ka thënë Gjakova.
I ftuar në emisionin “Info Nata” me Ardi Visokën në Tëvë1, Musa Gjakova është shprehur se edhe pse kanë kaluar 23 vjet dhe është folur shumë për betejën e Koshares nuk është thënë e tëra dhe ka rrëfyer për përgatitjen e një e një broshure për luftën urbane të cilën e kishte hartuar vet Agim Ramadani.
“23 vjet pas është folur shumë për betejën e Koshares dhe nuk është thënë e tëra. Më ka lënë përshtypje përgatitja e një broshure për luftën urbane të cilën e kishte hartuar vet Agim Ramadani, ne nuk i dinim rrjedhat si do të zhvillohej lufta por përgatitja dhe mendimi i një vizionari u përgatitshim edhe për lufte në qytetet e Kosovës” ka thënë ai.
Musa Gjakova më tutje është shprehur se “Agimi ka qenë një person i kompletuar ku ishte i butë me ushtarë por i ashpër në luftë, ai e trajtonte secilin të barabartë, kjo e jep një prizëm që secili prej neve nuk e kishte atë që Agimi e kishte. Një nga thënjet e Agim Ramadanit “Jemi duke iu thirrë ejani me neve në luftë e jo duke thënë shkoni në luftë”. Ne komandantët kemi qenë të parët e ushtarët pas neve, kjo e bën shumëçka karakteristike betejën e koshares, e dyta ishte, Në luftë mund të ndodhë që dikush të vritet por edhe të mbetet vetëm një ushtar i gjallë e ka për obligim të konsolidohet dhe të vazhdojë luftën deri në çlirim”.
