Skuadra e Milanit ka zyrtarizuar transferimin e sulmuesit Santiago Gimenez nga Feyenoordi i Holandës.
Meksikani 23-vjeçar, i cili ka shënuar 45 gola në 73 paraqitje më kampionatin holandez, është transferuar te Milani për 35 milionë euro dhe vlerësohet si përforcim i duhur për sulmin.
Gimenez me skuadrën italiane ka firmosur kontratë deri në verën e vitit 2029 dhe ka opsionin e vazhdimit edhe për një vit tjetër.
Ai te Milani do ta bartë fanellën me numrin shtatë dhe do ta zëvendësoj spanjollin Alvaro Morata që u transferua te skuadra e Galatasarayt.
Gimenez prej vitit 2022 ka qenë pjesë e Feyenoordit, ndërsa ka edhe 32 paraqitje dhe 4 gola të shënuar me Kombëtaren e Meksikës.
Këtë sezon, meksikani ka realizuar 16 gola në 19 ndeshje të luajtura në të gjitha garat për Feyenoordin.
