Gëzim Sveçla, kandidat i Lëvizjes Vetëvendosje për Asamblenë Komunale të Prishtinës, është shpallur si kandidati më i votuar në kryeqytet në zgjedhjet lokale të 12 tetorit.
Lajmin e ka bërë të ditur vetë Sveçla nëpërmjet një postimi në rrjetin social Facebook.
Sipas Sveçles, ai gjithashtu është edhe kandidati më i votuar i Lëvizjes Vetëvendosje në të gjithë Kosovën.
“FALEMINDERIT QYTETI IM! Më i votuari i Prishtinës, nga të gjithë kandidatët e të gjitha subjekteve politike. Më i votuari i Lëvizjes VETËVENDOSJE në gjithë Kosovën. Prishtinë, dashni e përjetshme, pafundësisht mirënjohës për vlerësimin dhe përjetësisht falënderues për besimin”, ka shkruar ai.
