Ekonomisti, Safet Gërxhaliu ka deklaruar se Kosova është në një situatë shqetësuese në aspektin ekonomik, duke thënë se këtë po e shohin vetëm qytetarët.
I ftuar në emisionin “Mesditë” në tëvë1, Gërxhaliu tha se Kosovës i mungon një diplomaci ekonomike. Ai shtoi se situata e krijuar tani në Kosovë është anti-ekonomik ku sipas tij po dëmton imazhin e vendit dhe po humb miliona euro.
Derisa, ai theksoi se nga 47 dështime për moskonstituimin e Kuvendit, kjo sipas tij e dëshmon se politikanët janë të varur nga partia politike dhe interesat e tyre partiake.
“Ky ngërç politik nuk duhet të analizohet vetëm nga dimensioni ekonomik po duhet të analizohet në disa dimensione, është dimensioni gjeo-strategjik, integrues, social, ekonomik po mbi të gjitha është imazhi i Kosovës dhe aspekti psikologjik dhe falë një situate të tillë të krijuar ku Kosova është në sanksione apo në masat e Bashkimit Evropian dhe që sa kohë kemi institucione atëherë vërtet rezultatet nga një ngërç i tillë politik janë më se shqetësuese. Kosova është në një situatë të palakmueshme në aspektin ekonomik. Dëmi që i bëhet Kosovës është më shumë se 1 miliard e 200 milionë euro në aspektin numerik, kurse në aspektin e imazhit e të jetuarit në Kosovë është vërtetë një situatë shqetësuese ku për fat të keq po i shohin qytetarët jo politika. Imazhi i Kosovës është në pikën më kritike, mungon një diplomaci aktive qoftë politike – ekonomike. Sot nga ky ngërç politik e dëshmon se politikanët janë të varur nga partia politike dhe interesat e partive politike dhe ky minimizim i lirisë të mendimit dhe veprimeve na ka sjell në këtë qasje. Ambienti i krijuar në Kosovë është anti-ekonomi, anti-sektor privat dhe definitivisht po e dëmton imazhin e saj”, deklaroi ai./teve1.info/
