Ministrja e Punëve të Jashtme dhe e Diasporës, Donika Gërvalla, ka deklaruar se presidenti serb, Aleksandër Vuçiq ka nisur t’i jetësojë kërcënimet e tij pas votimit të djeshëm për anëtarësim të Kosovës në Këshill të Evropës.
Ajo ka thënë para mediave se bllokimi i qytetarëve në kufirin Kroaci-Serbi është pjesë “e këtij jetësimi”.
“Jemi ballafaquar me një situatë, e një veprim i tillë bazohet në ngjarjet e djeshme. Vuçiqi ka kërcënuar edhe Kosovën e edhe partnerët tanë, që vota pozitive në Këshill të Evropës do të ketë pasoja. Dje nuk eci propaganda, Vuçiqi ka nisur t’i jetësojë kërcënimet e tij. Në këtë kontekst e shoh ndalimin…Janë shkelur masivisht të drejtat e qytetarëve”, ka thënë Gërvalla.
Sipas saj, një pjesë e qytetarëve kosovarë iu nënshtruan bisedave informative.
Ministrja e Punëve të Jashtme dhe Diasporës, Donika Gërvalla, thotë se sa i përket anëtarësimit në Këshillin Evropës, Kosova do të pranohet si shtet dhe do t’i hiqet fusnota.
Gërvalla tha se për të arritur në ditën e djeshme kanë pasur qindra takime.
Sipas saj, 82% e votave është shenjë progresi që Kosova ka bërë për sundim të ligjit dhe drejtave të njeriut.
