Ministrja në detyrë e Punëve të Jashtme dhe Diasporës, Donika Gërvalla, ka udhëtuar për në New York, ku do të marrë pjesë në seancën e Këshillit të Sigurimit të OKB’së.
Kjo seancë do të mbahet sot në ora 15:00 sipas kohës lokale në New York (në ora 21:00 në Kosovë).
MPJD njofton se në këtë seancë do të shqyrtohet raporti periodik i Sekretarit të Përgjithshëm të OKB-së, António Guterres, për zhvillimet në Kosovë.
“Ministrja Gërvalla do ta përfaqësojë Republikën e Kosovës, duke paraqitur të arriturat e vendit, sfidat aktuale dhe përparimet në fusha të ndryshme si sundimi i ligjit, ekonomia dhe reformat institucionale.”
