Ministrja e Punëve të Jashtme, Donika Gërvalla, ka takuar kryetarin e grupit të deputetëve gjermanë në Këshillin e Evropës, Frank Schëabe.
Në këtë takim, ajo ka folur për mbështetjen e shtetit gjerman dhe bashkërendimin e veprimeve për procesin e anëtarësimit të Kosovës në KiE.
“Ministrja Gërvalla takon kryetarin e grupit të deputetëve gjermanë në Këshillin e Evropës dhe deputetë të Partisë Liberale Gjermane (FDP) Mbështetja e Gjermanisë dhe bashkërendimi i veprimeve në procesin e anëtarësimit në Këshillin e Evropës, ishin temat në fokus të takimit që Zëvendëskryeministrja dhe Ministrja e Punëve të Jashtme dhe Diasporës e Republikës së Kosovës, znj. Donika Gërvalla pati me kryetarin e grupit të deputetëve gjermanë në Këshillin e Evropës, Frank Schëabe” , thuhet në komunikatën e lëshuar për media.
Po ashtu, Gërvalla u takua me dy deputetë të Partisë Liberale Gjermane në Bundestagun gjerman, Ulrich Lechte dhe Thomas Hacker, me të cilët u diskutuan proceset politike dhe siguria në Kosovë.
“Ministrja Gërvalla takoi edhe dy deputetë të Partisë Liberale Gjermane (FDP) në Bundestagun gjerman, Ulrich Lechte dhe Thomas Hacker, me të cilët u diskutuan proceset politike dhe siguria në Kosovë dhe rajon, bashkërendimi dhe mbështetja e Kosovës në rrugën e anëtarësimit të saj në BE, NATO dhe në mekanizma të tjerë ndërkombëtarë”, thuhet më tej në komunikatë.
Gjithashtu, ministrja Gërvalla thuhet se i njoftoi deputetët e Bundestagut me të arriturat e Kosovës në ekonomi, demokraci, sundim të ligjit, luftën kundër korrupsionit dhe krimit të organizuar si dhe shtrirjen e sovranitetit në të gjithë territorin e Republikës së Kosovës.
