Zëvendëskryeministrja dhe ministrja e Punëve të Jashtme dhe Diasporës, Donika Gërvalla, është takuar me homologun turk, Hakan Fidan, në margjinat e Konferencës së Sigurisë në Mynih.
Në këtë takim, ministrat kanë diskutuar për realizimin e projekteve të përbashkëta në fushën e ekonomisë.
“Partneriteti mes dy shteteve dhe mbështetja e Turqisë në ngritjen e kapaciteteve të Kosovës në fushën e sigurisë ishin gjithashtu pjesë e rëndësishme e takimit mes Ministres Gërvalla dhe homologut të saj turk, Hakan Fidan”, thuhet në njoftimin e MPJD-së.
Gjithashtu, është bërë e ditur se ministrja Gërvalla gjatë këtij takimi shprehu falënderimin ndaj Turqisë për mbështetjen e vazhdueshme dhënë Kosovës në shumë fusha
“Ministrja e njoftoi homologun turk mbi progresin e arritur në demokratizim, liri të mediave, të drejtat e qytetarëve, zhvillim ekonomik dhe mirëqenie qytetare në Kosovë”, thuhet mes tjerash në njoftim./teve1.info/
