Gërvalla e cila është edhe kryetar e Listës Guxo, me të cilën Vetëvendosje kishte koalicion parazgjedhor dhe sot qeverisin bashkë, i ka quajtur shpifje raportimet për dorëheqjen e saj.
Ajo përmes një postimi në Facebook, ka thënë se udhëheqësit më të lartë të vendin asnjëherë nuk kanë qenë më unik, raporton teve1.info/
“Përfaqësuesit më të lartë të institucioneve të Republikës së Kosovës, asnjë herë më parë, që nga pavarësia e këndej, nuk kanë qenë kaq unik dhe nuk i kanë bashkërenduar kaq mirë veprimet dhe vendimet e tyre në të mirë të forcimit të shtetit dhe përmirësimit të jetës së qytetarëve të Republikës. Masat e menjëhershme dhe të suksseshme të qeverisë për të mos lejuar rritjen artificiale dhe të shfrenuar të çmimeve, krijimin e panikut dhe zhvatjen e skajshme të qytetarit, tek ata që duan ta zhbëjnë 14 shkurtin 2021, natyrisht që krijojnë shqetësim dhe ngjallin fantazi dhe epshe të pakontrolluara. Shpikin, shajnë, fyejnë, gënjejnë. Ndërsa ne, thjesht vazhdojmë punën”, ka shkruar Gërvalla.
