Pas Ferizajt, edhe një tjetër degë e rëndësishme e partisë “Guxo” është tërhequr nga zgjedhjet nacionale të shkurtit 2025.
Dega e “Guxo” në Pejë ka shpallur bojkot për zgjedhjet nacionale për shkak të pakënaqësive me drejtuesit e partisë, Faton Pecin dhe Donika Gërvallën, sipas një komunikate për media të degës.
E për këtë çështje, ministrja e Punëve të Jashtme, Donika Gërvalla ka reaguar.
Gërvalla ka thënë se ka persona të cilët nuk përfshihen për arsye të ndryshme në listën e kandidatëve për deputetë, që sipas saj tek atëherë aktivizohen e zgjohen.
Ndërkohë, ministrja tha se partia “Guxo” ka prej 15 kandidatësh, në partneritet me VV dhe Alternativën.
Ndryshe, sipas saj Partia Guxo është më e fortë, më e konsoliduar dhe unike./teve1.info/
