Ministrja e Jashtme, Donika Gërvalla në kuadër të vizitës zyrtare në SHBA, është pritur në takim nga Ndihmës Sekretari i Shtetit për çështjet Evropiane dhe Euroaziatike, James O’Brien.
Gërvalla përmes një njoftimi në Facebook, ka shkruar se në këtë takim janë trajtuar aspekte të shumta të thellimit të bashkëpunimit të dy palëve.
Derisa, ministrja ka bërë të ditur se në këtë takim kanë diskutuar rreth zhvillimeve të tjera aktuale në Kosovë, duke vënë theksin në përkushtimin e institucioneve në ruajtjen e paqes dhe stabilitetit në vend dhe rajon si dhe zmbrapsjen e kërcënimeve të sigurisë.
“Në frymën e marrëdhënieve të posaçme ndërmjet dy shteteve gjatë takimit janë trajtuar aspekte të shumta të thellimit të bashkëpunimit dypalësh, forcimit të sundimit të ligjit e demokracisë dhe jetësimit të aspiratave për anëtarësimin e Republikës së Kosovës në organizata ndërkombëtare”, thuhet në njoftim./teve1.info/
