Është mbyllur pika kufitare në Bërnjak deri në stabilizimin e qarkullimit normal, të papengueshëm.
E Ministrja e Punëve të Jashtme dhe Diasporës, Donika Gërvalla ka thënë se pika kufitare në Bërnjak është mbyllur derisa të largohen të maskuarit dhe të kthehet lëvizja e lirë.
Gërvalla përmes një shkrimi në Facebook thotë se brenda territorit të Serbisë, persona të maskuar po ndalojnë edhe veturat me regjistrim gjerman dhe pas konstatimit që janë shqiptarë, nuk po i lënë të kalojnë.
“Në pikën kufitare në Bërnjak, brenda territorit të Serbisë, persona të maskuar po ndalojnë edhe veturat me regjistrim gjerman dhe pas konstatimit që janë shqiptarë, nuk po i lënë të kalojnë. Vetura e policisë serbe veç shikon dhe nuk ndërhyn për të siguruar lëvizjen e lirë të qytetarëve, duke u bërë kështu bashkëfajtore e këtij seleksionimi racist dhe fashist, i cili sjell në mendje kohë të errëta dhe si i tillë nuk guxon të tolerohet”, shkroi ajo në Facebook.
Ndërsa, Tëvë1 më herët raportoi se persona të maksuar në Bërnjak po ndalojnë kosovarët të hyjnë në Serbi.
Persona të maskuar në Bërnjak po ndalojnë kosovarët të hyjnë në Serbi
