Ministrja në detyrë e Punëve të Jashtme, Donika Gërvalla tha se pret nga opozita që sot “t’i thërrasin mendjes” dhe të votojnë për Albulena Haxhiun kryeparlamentare.
Por, sipas saj deklaratat e opozitës nuk i japin optimizëm se sot do të zgjedhet kryetari i Kuvendit.
“Bllokimi i konstituimit të institucioneve, që në këtë fazë të hershme, patëm bllokadën që në verifikimin e mandatave tregon që opozita ende nuk është kthjellë dhe nuk e ka të qartë rezultatin e zgjedhjeve të 9 shkurt…Kjo qasje do të thotë, pse nuk lëshoni pe këtu. Nuk është çështja e lëshimit pe, nuk është as çështje e kokëfortësisë, është çështje parimore. Fituesi propozon emrin e kryetarit të kuvendit dhe jo pasi të bëhet një anketë se për kë ka preferenca dhe për kë nuk ka preferenca. Fort shpresoj edhe pse deklaratat që kam lexuar në mëngjes nuk më bëjnë optimiste, por shpresoj që t’i thërrasin mendjes dhe që të vazhdojmë sepse beteja politike bëhet përmes formimit të qeverisë”, shtoi ajo para mediave.
