Deputetja e Lëvizjes Vetëvendosje, Donika Gërvalla, ka folur për mospjesëmarrjen në votim të deputetes tjetër të kësaj partie, Shqipe Selimit, gjatë seancës kur emri i saj u hodh në votim për kryeparlamentare.
Gërvalla tha se nuk ka pasur debat në grupin e VV-së rreth kandidimit të saj dhe vendimin e Selimit e konsideroi personal.
“Ne kemi pasur një diskutim në grup. Nuk ka pasur debat rreth kandidimit tim. Znj. Selimi merr vendimet e saja, ajo nuk ka marrë pjesë në votim. Ai është vendim personal i znj. Selimi dhe nuk kam asnjë arsye dhe të drejtë ta komentojë”, deklaroi Gërvalla.
