Këto deklarata kryediplomatja kosovare i bëri në mbledhjen e Këshillit të Sigurimit të Kombeve të Bashkuara, të mërkurën.
“Serbia është kërcënimi më i madh për normalizim të raporteve dhe stabilitet në rajon”, tha Gërvalla.
Ajo deklaroi se Kosova është pjesë e Perëndimit teksa shton se Serbia vazhdon të jetë satelit i Serbisë – për çka thotë se është arsyeja pse rajoni i Ballkanit Perëndimor vazhdon të jetë i paqëndrueshëm.
Sipas saj, me armatosjen e vazhdueshme të Serbisë, të gjitha vendet e rajonit janë të kërcënuara nga Serbia sepse “ka një ushtri që është e gatshme të sulmojë”.
Po ashtu, gjatë fjalimit të saj ajo ka folur edhe për sulmet e fundit ndaj pjesëtarëve të Policisë së Kosovës në veri të vendit duke thënë se ishin terroriste dhe duke fajësuar Beogradin se po lejon që ato të ndodhin.
“Sulmet po vijnë nga territori i Serbisë dhe ato do të ishin të pamundura nëse Vuçiq nuk do t’i toleronte ato”, tha Gërvalla.
Tutje, ajo thotë se Kosova është e gatshme për dialog me Serbinë si një mënyrë për të ecur përpara por shton se Serbia fillimisht duhet “të pranojë realitetin se Kosova është shtet i pavarur” teksa përsërit kërkesën e Kosovës se ky proces duhet të përfundojë me njohje reciproke.
