Ministrja në detyrë e Punëve të Jashtme të Kosovës, Donika Gërvalla para nisjes së seancës ka thënë se votimi i fshehtë në seancë është i paraparë me Kushtetutë.
Ajo ka thënë se do të marrin vendim si Grup Parlamentar se si do të veprohet.
Gërvalla ka akuzuar opozitën për bllokim të konstituimit të Kuvendit, duke thënë se ata janë të interesuar ta zgjasin ngërçin.
“Opozita janë të interesuar ta zgjasin ngërçin, derisa të ju vije ndonjë ndihmë, si duket presin ndonjë ndihmë nga jashtë”, ka deklaruar ajo para nisjes së seancës konstituive.
