Ministrja në detyrë e Jashtme, Donika Gërvalla ka deklaruar se kjo situatë është e papranueshme pas dështimit të seancës së 20-të të konstituimit të Kuvendit.
Sipas Gërvallës, për të gjetur zgjidhje të menjëhershme, kjo situatë kërkon reagim racional nga deputetët e opozitës.
Derisa, ajo tha se një parlament i cili bllokon vetveten, lë shije të keqe tek miqtë e Kosovës.
“Për konstituimin e Kuvendit, kjo situatë është e papranueshme është një situatë e cila kërkon zgjidhje të menjëhershme, mirëpo për të gjetur zgjidhje të menjëhershme kërkon reagim racional nga deputetët e opozitës të cilët bllokojnë Kuvendin duke bllokuar Kuvendin, bllokojnë edhe mundësinë e tyre për të ushtruar kontrollin e Kuvendit mbi institucionet e pavarura të Kosovës, prandaj mua nuk më mbetet tjetër vetëm që të bëjë thirrje që kjo qasje bllokuese të ndalet sepse beteja politike bëhet për zgjedhje të Qeverisë. Një parlament i cili bllokon vetveten, natyrisht që lë shije të keqe edhe tek miqtë tanë, por edhe tek ata që na duan më së paku”, ka deklaruar ajo./teve1.info/
