Ministrja e Punëve të Jashtme, Donika Gërvalla ka pritur sot në takim ambasadoren jorezidente të Kanadasë në Kosovë, Jessica Blitt.
Sipas komunikatës së MPJ-së, ministrja e ambasadorja kanë diskutuar për marrëdhëniet diplomatike ndërmjet dy vendeve, sfidat e sigurisë në rajon dhe rolin mbështetës të Kanadasë për paqen dhe stabilitetin në Ballkan.
Më tej, Gërvalla ka shpreh mirënjohjen e saj për mbështetjen e vazhdueshme të Kanadasë për Kosovën, dhe për të thelluar bashkëpunimet e reja në ekonomi, arsim e teknologji.
“Investimet strategjike dhe projektet e përbashkëta në sektorët ekonomik, kulturor dhe të sigurisë u vlerësuan si mundësi konkrete për të avancuar më tej bashkëpunimin mes dy vendeve, me mërgatën tonë si një garanci për marrëdhënie të fuqishme mes Kosovës dhe Kanadasë”, thuhet ndër të tjera në komunikatë./teve1.info/
