Ministrja e Punëve të Jashtme, Donika Gërvalla ka pritur në takim sot zëvendëskryeministrin dhe ministrin e Punëve të Jashtme dhe Tregtisë së Luksemburgut, Xavier Bettel.
Bettel në konferencë për media tha se synim i vendeve evropiane është të shmanget çfarëdo lloj lufte në Ballkan, derisa ka shtuar se shteti i tij do të jetë çdo herë në krah me Kosovën me investime milionëshe.
“Ne dihet të bëjmë qmos që ta shmangim luftën. Nëse jemi të dobishëm do ta shmangim çfarëdo lufte dhe është detyrë e jona. Kjo është arsyeja pse rajoni duhet ta ketë një perpsketivë evropiane por jo pas 200 vitesh… Ky rajon la vuajtur shumë prej vendimeve që i kanë ndërmarrë të tjerët dhe unë jam këtu që për ta ndihmuar Kosovën në fusha të ndryshme dhe do të jenë rreth 25 milionë euro investime që do të këto projekte kreative e në sektorë të IT-së, sepse është e rëndësishme për situatën tuaj ekonomike”, tha ai.
Bettel tha se një vizitë në Kosovë nuk do të thotë një vizitë kundër Serbisë dhe anasjelltas.
“Një gjë që dua të them dhe nuk dua të keqkuptohet. Një vizitë në Kosovë nuk do të thotë një vizitë kundër Serbisë dhe anasjelltas, nesh dëshironi dialog, zgjidhje duhet që të kemi kontakte me të dyja palët”, ka deklaruar ai.
Ndërsa, Gërvalla tha se vizita e tij është një dëshmi e qartë thellimit dhe bashkëpunimit dypalësh dhe për të forcuar marrëdhëniet .
Ajo tutje tha se sot nënshkruhet një memorandum bashkëpunimi që ka për qëllim të nxisë investimet dhe do të forcojë projektet në sektorin privat në Kosovë.
“Vizita e tij është një dëshmi e qartë e miqësisë së thellë mes dy vendeve tona dhe përkushtimit tonë të përbashkët për të forcuar marrëdhëniet tona të ngushta. Edhe më të shënuar e bënë këtë ditë përurimi i ambasadës së re të Luksemburgut në Prishtinë, e cila është simbol i fortë i lidhjeve tona, një gjest me peshë të veçantë në kohë të tilla sfiduese për rajonin dhe Evropën…Në këtë proces Luksemburgu është dhe ka qenë partner kyç me përvojë të gjerë në bashkëpunimin ndërkombëtar dhe ekonomik, në rrugën tonë drejtë anëtarësimit në BE dhe NATO i konsiderojmë vendet tjera anëtare përfshirë edhe të voglat dhe të mëdha si partner strategjik të posaçëm. Këto partneritete janë kyçe për stabilitetin dhe paqen në Ballkanin Perëndimor”, tha ajo.
E pyetur për zgjedhjet në SHBA, Gërvalla ka thënë se miqësia e Kosovës me SHBA-në nuk ndikohet nga zgjedhjet e së nesërmes atje.
Pas këtij takimi, në orën 13:55, ai do të pritet nga zëvendëskryeministri i parë i Kosovës, Besnik Bislimi, në ndërtesën e Qeverisë.
