Asnjë sjellje e Kosovës nuk e ka detyruar Serbinë deri sot që të zbatojë marrëveshjet e premtuara, as në vitin 2011 as në vitin 2013, as në vijëmsi. Kështu ka deklaruar zëvendëskryeministrja dhe ministrja e Punëve të Jashtme, Donika Gërvalla – Schwarz në Tëvë1.
Gërvalla tha se pavarësisht që nuk ka qenë e lehtë për institucionet e vendit, Kosova ka bërë hapa të rëndësishëm në këtë proces.
Derisa theksoi se Kosova bisedimet me Serbinë i ka nisur fillimisht për njohje të ndërsjellë dhe jo për njohje de facto, por lëvizjen e saj nuk e vlerësuan mjaftueshëm aleatët.
“Asnjë sjellje e Kosovës nuk e ka detyruar Serbinë deri sot që të zbatojë marrëveshjet e premtuara as në vitin 2011 as në vitin 2013 as në vijëmsi. Kështu që marrëveshjet në jemi ulur me ndërmjetësimin e Bashkimit Evropian në tavolinë, Kosova ka bërë hapa të rëndësishëm, nuk ka qenë e lehtë për institucionet e Kosovës për shkak se edhe marrëveshja bazike meriton shumë kritika sepse bisedat i kemi nisur fillimisht për njohje të ndërsjellë dhe jo për njohje de facto. Unë mendoj që nuk është vlerësuar mjaftueshëm nga aleatët, lëvizja që ka bërë Kosova nga kërkesa për njohje të ndërsjellë si qendra e negociatave tona në një anim të një marrëveshje bazike e cila parasheh njohjen de facto me shpresë që pastaj proceset e mëtejme… “, u shpreh Gërvalla në emisionin “Këndi i Debatit”.
Tutje Gërvalla tha se institucionet e Kosovës në vazhdimësi kanë paralajmëruar partnerët ndërkombëtarë që nuk po shohin vullnet nga ana e Serbisë për të çuar në fund procesin e dialogut.
“Nëse nuk jemi vetëm me Serbinë në tavolinë nëse kemi ndërmjetësimin e Bashkimit Evropian nëse kemi të kyçyr në këtë proces partnerët tanë më të rëndësishëm SHBA-të dhe kemi insistimin e disa prej shteteve më të rëndësishme që e kanë përkrahur në vazhdimësi Kosovën gjatë gjithë proceseve shtetformuese, atëherë unë mendoj që ky ka qenë një hap i rëndësishëm drejtë një zgjidhje përfundimtare. Por kjo nënkupton që dhe pala tjetër duhet ta shohë si të tillë, në vazhdimësi kemi paralajmëuar partnerët tanë që nuk shohim te Serbia vullnet për ta çuar në fund këtë dialog”, tha ajo.