Deputetja e Kuvendit nga radhët e listës Guxo, Donika Gërvalla, i është përgjigjur reagimit të Anton Qunit të LDK-së.
Quni e akuzoi për mosvotimin për kryeparlamentare, ndërkohë që fillimisht Gërvalla e akuzoi atl dhe disa deputetë të tjerë se kanë pasur më shumë se një arsye për ta votuar për kryeparlamentare.
Gërvalla pas dështimit të seancës konstituive përmendi të kaluarën e saj dhe angazhimin për zbardhjen e vrasjeve të pasluftës të aktivistëve të LDK-së.
Kurse Quni në reagim iu përgjigj duke i thënë se i mbështet “vetëm ata që qëndrojnë besnikë edhe kur vështirësohen gjërat”. Por, që me kaq nuk e la Gërvalla, ajo reagoi sërish.
“Besnikëria nuk matet në raport me shefat e partisë dhe baballarët e koalicionit PDK-LDK-Lista Serbe, por në raport me shokët dhe kolegët e vrarë pas shpine. Komandant, ku e le besnikërinë ndaj Tahir Zemajt, Isuf Haklajt, Sebahate Tolajt e shumë të tjerëve? Apo e nxjerr nga sirtari vetëm kur është kohë votash?”, ka shkruar ajo në Facebook.
