Ministrja në detyrë e Punëve të Jashtme, Donika Gërvalla, ka thënë se certifikimi i Listës Serbe nuk guxon të bëhet për pjesëmarrje në zgjedhjet lokale të 1 tetorit.
Ajo ka theksuar se Lista Serbe nuk është parti politike, por ka synim zhbërjen e Republikës së Kosovës.
“Lista Serbe nuk është parti serbe, por një parti që synimin thelbësor e ka zhbërjen e Republikës së Kosovës. Një parti e tillë nuk e ka vendin në Kuvend dhe në zgjedhjet lokale, prandaj jemi këmbëngulës që certifikimi i saj në zgjedhjet lokale nuk duhej të ndodhë dhe nuk do të guxonte të ndodhë”, tha ajo të premten para mediave.
