Ministrja e Jashtme e Kosovës, Donika Gërvalla ka kujtuar heroin Enver Zymberin në 13-vjetorin e rënies së tij në krye të detyrës.
Ajo ka bërë nderime pranë Lapidarit të Policëve të rënë në mbrojte të rendit kushtetues, së bashku me Kryetarin e Kuvendit, Glauk Konjufcën, zëvendësministrin, Besnik Bislimi, ministrin e Punëve të Brendshme, Xhelal Sveçla dhe drejtorin e Policisë së Kosovës, Gazmend Hoxha.
Gërvalla tha se Republika e Kosovës është sot më e sigurt dhe sovrane.
Sipas ministres, kjo është falë vendosmërisë së Policisë së Kosovës dhe përkushtimit të Qeverisë.
“Heroizmi dhe sakrifica e Enver Zymerit dhe e të gjithë zyrtarëve policorë që kanë rënë në krye të detyrës, janë një burim frymëzimi dhe krenarie për të gjithë ne”, ka shkruar Gërvalla në Facebook./teve1.info/
