Organizata GERMIN ka reaguar publikisht ndaj përmendjes së saj në njoftimin e Prokurorisë Speciale lidhur me aktakuzën ndaj ministrit të Zhvillimit Rajonal në detyrë, Fikrim Damka, dhe një zyrtari tjetër të kësaj ministrie.
Në reagim, GERMIN e ka cilësuar të “padrejtë dhe të pabazuar” përmendjen e emrit të saj në komunikatën e Prokurorisë, ku thuhet se organizata ka përfituar fonde nga Ministria e Zhvillimit Rajonal në kundërshtim me ligjet për financimin e OJQ-ve.
Sipas tyre, një përmendje e tillë në një aktakuzë penale, pa asnjë bazë apo përfshirje të drejtpërdrejtë, dëmton padrejtësisht reputacionin e organizatës.
GERMIN ka theksuar se aktivitetet dhe financat e saj janë të audituara rregullisht nga auditorë të brendshëm dhe të jashtëm, dhe se të gjitha raportet janë publike.
Aktakuzë ndaj ministrit Fikrim Damka – dyshohet për keqpërdorim të mbi 1 milion eurove
