Ish-deputeti i LDK-së, Gani Geci ka zbuluar një pjesë nga biseda e deputetes, Besa Gaxherri me ish-kryetarin e kësaj partie, Isa Mustafa, në kohën kur po diskutoheshin koalicionet e mundshme në vitin 2014.
Geci ka treguar se Mustafa i kishte thënë Gaxherrit që “nuk ia mbërrin ymri Thaçit me u bë president, e merr Gjykata Speciale”.
Ai ka theksuar se Specialja u formua me votat e PDK-së e LDK-së, dhe formimi i saj dihej dhe flihej edhe para se të lidhej koalicioni mes këtyre dy partive.
“Isa Mustafa i ka thanë Besa Gaxherrit se nuk ia mbërrin ymri Thaçit me u bë president, e merr Gjykata Speciale. Tash, Isa Mustafa le të shkoj çdo ditë ta sheh në Hagë, mua nuk më pengon. Letrat thonë ndryshe, janë të bëra që ai të shkojë. Unë se kisha votua kurrë, as Gjykatën Speciale, as Hashim Thaçin për president, por problem është që atë që bëjnë politikë po mendojshin më gjatë. Unë nganjëherë nuk di të bëjë të bëjë politikë, se mendoj më shkurt. Isa Mustafa ka thënë ne po dalim këndej se do të bëhet Gjykata Speciale, ende pa u bërë koalicioni është thënë kjo. A ish bërë Gjykata nëse nuk do të ishin bërë votat, jo. Pra Gjykata Speciale është bërë me vota të PDK-së dhe LDK-së”, është shprehur Geci në emisionin “Këndi i Debatit” në Tëvë 1.
