Gani Geci i cili pritet të jetë kandidat i LDK-së në zgjedhjet parlamentare të 28 dhjetorit ka thënë se, Albin Kurtit do t’ia dalë gabim llogaria, i cili sipas Gecit e shtyu datën e zgjedhjeve për shkak të mërgatës.
Geci, ka thënë se mërgata janë zhgënjyer me Kurtin.
“Albini e ka shtyrë datën e zgjedhjeve deri në atë datë kur është mërgata këtu dhe ka mendua që merr numër të votave më shumë. Është zhgënjyer mërgata. Unë mendoj që Kurtit ka me i dal gabim llogaria në atë që ka mendua”, ka thënë ai në emisionin “Këndi i Debatit” në Tëvë1.
Geci ka thënë se LDK-ja është duke punuar dhe organizuar që të dalë e parë në zgjedhje.
Sa i përket dështimit të formimit të institucioneve, ku si pasojë Kosova brenda vitit do të ketë mbajë dy palë zgjedhje parlamentare, ai ka thënë se zgjidhja më e mirë ka qenë propozimi i LDK-së për një qeveri të unitetit.
Ai ka thënë se LDK nuk ishte bllokuese, duke e vlerësuar ofertën e Kurtit për koalicion me prapavijë politike.
“Ka qenë me sulmua elektoratin e LDK-së, me thanë që këta nuk po duan, me thanë që na jemi me bë shtet, por këta s’po donë. Ka pas prapavijë”, tha ai.
