Kjo ka nxitur spekulime tek presidenti ukrainas Volodymyr Zelenskyy i cili përmes adresimit të tij ditor shprehu se kjo është një luftë e hapur gazi që Rusia po zhvillon kundër një Evrope të bashkuar dhe se pikërisht kështu duhet të perceptohet.
Ai shtoi se masa e Rusisë duhet të jetë një nxitje që paketa e ardhshme e sanksioneve të Bashkimit Evropian të jetë dukshëm më e rëndë se e shtata e miratuar së fundmi.Të hënën, Gazprom ka bërë të ditur se do të ndalë furnizimet edhe një herë.
Lajmi për një tjetër zvogëlim të sasisë së gazit rrit presionin ndaj shteteve të BE-së që të ulin varësinë e tyre ndaj gazit rus, shkruan Associated Press transmeton Teve1.
Ky vendim po ashtu ua bën atyre edhe më të vështirë sigurimin e gazit për muajt e dimrit. Prej nisjes së luftës në Ukrainë, nga ana e Rusisë, më 24 shkurt, çmimi i gazit është rritur dhe ky konflikt ka pasur ndikim në faturat e energjisë në gjithë botën.
Presidentja e Komisionit Evropian, Ursula von der Leyen, ka thënë më herët se ekziston mundësia që Rusia të ndalë plotësisht gazin për bllokun evropian. Ndërkaq të martën pritet të takohen në
Bruksel ministrat evropianë të Energjisë, ku supozohet të arrijnë pajtueshmëri për një përgjigje të përbashkët ndaj krizës.
