Gazetari nga Presheva, Hasan Hasani, ka dhënë detajet e fundit dhe informacionet që po qarkullojnë lidhur me Faton Hajrizin i dyshuar për vrasjen e policit serb.
Ai ka thënë se sipas informacioneve që po qarkullojnë, Hajrizi me një taksi nga Presheva kishte hyrë në Serbi, ku do të takohet me disa persona në një hotel të cilët do ta dërgonin në Bosnjë e Hercegovinë.
“Kishte planifikuar të takohej në një hotel me disa persona që do t’i mundësonin që ta kalonte në Bosnje e Hercegovinë, po pas ndodhjes së rastit ai dyshohet se ka ikur në ara të mbjellura më misër ku dyshohet se është një distancë 350 metra përgjatë lumit Drin, pjesë e frekuentuar nga trafikantët me njerëz”, ka thënë Hasani në emisionin “InfoNata” në Tëvë 1.
Hasani ka përmendur edhe një bisedë që Faton Hajrizi i dyshuar për vrasjen e policit serb, kishte me një banore, të cilën e kishte pyetur për rrugën më të shkurtë në Bosnje e Hercegovinë.
