Gazetari shqiptar që jeton në Austri, Vehbi Haliti ka thënë se numri i viktimave nga sulmi në një shkollë në Garz të Austrisë ka arritur në 11 dhe 10 të lënduar rëndë.
Ai në emisionin “InfoNata” në Tëvë1, ka thënë se është konfirmuar se në mesin e të vrarëve është edhe një kosovare nga Komuna e Vitisë, Lea Bajrami.
Haliti ka thënë se autori i sulmit, një 21-vjeçar nuk ka pasur të kaluar kriminale dhe se ishte nxënës i shkollës, por që nuk kishte arritur të përfundojë shkollimin.
“Informatat e fundit janë se numri i viktimave ka arritur në 11 dhe 10 të plagosur rëndë. Në mesin e viktimave është e konfirmuar që i takon komunitetit shqiptar, bija e një aktivisti.Nuk ka detaje të theksuara lidhur me ngjarjen. Ajo çfarë dihet është që vrasësi ishte një 21-vjeçar dhe nuk kishte të kaluar kriminale, ishte nxënës i shkollës ku nuk kishte arritur ta përfundonte shkollimin”, ka thënë ai.
Sulmin në Austri e ka dënuar liderë të shteteve të ndryshëm.
Këtë sulm e kanë dënuar edhe presidentja e Kosovës, Vjosa Osmani dhe kryeministri në detyrë, Albin Kurti.
Të shtënat ndodhën rreth orës 10:00 të mëngjesit në shkollën e mesme Dreierschützengasse, rreth një km nga qendra historike e Grazit, ku edhe u dërguan forcat speciale pas një telefonate që morën.
