Gazetari, Sokol Brahaj ka thënë se deri më tani është raportuar për 2379 persona të vdekur nga tërmetet e njëpasnjëshme në Turqi.
“Tani për tani të dhënat zyrtare si i raportoi zv/presidenit para 10 minutash janë 2379 persona të vdekur dhe 14483 persona janë në gjendje jo të mirë. Nga këto 7840 janë të nxjerrur nga gërmadhat, teksa 338 mijë persona kanë aarritur t’i ristrehojnë në konvikte të studentëve”, ka thënë Brahaj.
Në Tëvë 1 ai situatën e sotme e ka përshkruar si një katastrofë të paparamenduar.
“Kam pasur kontakt me shumë njerëz, një tmerr e një katastrofë shumë e madhe saqë as nuk është paramenduar që mund të ndodh në një formë kaq të madhe. Gati 200 tërmete brenda 20 orëve, nga 5.6-6.5 shkallë të rihterit me dhjetëra tërmete, kemi një gjendje katastriofike. Plus ka ndikuar koha shumë e keqe me stuhi, borë e me shi, një gjendje shumë katastrofike në Turqi e Siri”, ka shtuar ai në InfoNata në Tëvë 1.
Tutje ai ka thënë se ekipet e kërkim-shpëtimit janë të pamjaftueshme porse po vijnë përforcime nga e mbarë bota.
“Çdo komuna ka ekipet e kërkim-shpëtimit por ato ekipe janë të pamjaftueshme. Deri tani ka në shkuar 11 mijë e 200 persona të ekipeve e drtejtuesve profesionale, janë afër 20 milionë banorë në zonën e lindjes dhe juglindjes dhe normal që janë të pamjaftueshëm këto ekipe por tani kanë fillu të vijnë edhe ekipe nga bota”, shtoi ai.
