Anëtarja e Lidhjes Demokratike të Kosovës, Besa Gaxherri ka deklaruar se kryeministri në detyrë i Kosovës, Albin Kurti nuk është i interesuar ta themelojë qeverinë.
Pasi sipas Gaxherrit, ai nuk ka mundësi ta krijojë qeverinë me deputetët e subjektit të tij politik.
Sa i përket një koalicioni mes LVV dhe LDK-së, kjo e fundit u shpreh e bindur se nuk do të ketë marrëveshje mes dy partive dhe se këtë vendim ajo tha se e kanë marrë në organet e LDK-së.
“Kalkulimet e Kurtit janë të ditura, mund të themi që nuk është i interesuar ta krijojë qeverinë pasi që nuk ka mundësi ta bëjë vetëm me deputetët e subjektit tij politik, nuk e shohim se ai po kërkon një bashkëpunim nga partitë politike për ta bërë qeverinë dhe duhet t’ia lejmë kohës dhe të shpresojmë sepse natyrisht Kosova ka shumë nevojë për institucionet e saja. Kemi humbur projekte miliona buxhet për vendin, LDK nuk do të jetë në koalicion me LVV-në, i ka dhënë arsyet e veta, një vendim të tillë ne e kemi marrë në organet e LDK-së dhe nuk ka asnjë ndryshim në këtë aspekt. LVV ka obligim ta themelojë sa më shpejt qeverinë, takim për t’i diskutuar dhe shqyrtuar mundësitë nuk mund të iu jap përgjigje sepse natyrisht duhemi të takohemi si kryesi e LDK-së dhe ta shqyrtojmë këtë ftesë në qoftse kushtimit ndodhë, por që të kemi koalicion me VV-në ata e kanë përgjigjen publike disa herë dhe nuk duhet të kalkulojnë më nuk duhet ta përdorin këtë lojë”, ka deklaruar Gaxherri në emisionin “Ditari” në Tëvë1./teve1.info/
