Kandidatja e LDK-së për deputete, Besa Gaxheri ka thënë se partia ku bënë pjesë ajo është e përgatitur shumë mirë për zgjedhje dhe kjo po shihet edhe në numrin e qytetarëve në tubime të tyre.
Ajo tha se nuk ka hapësirë që po i mbajnë takime që t’i zë qytetarët që po i bashkohen LDK-së.
Gaxherri tha se qytetarët tani e kanë kuptuar se Kosova është në një udhëkryq të thellë dhe me LDK-në në qeverisje Kosova do të kthehet në normalitet.
”Kemi fillu para dy vitesh me punuar në programin zgjedhor dhe sot ne jemi të përgatitur. Prandaj po pritemi shumë mirë nga qytetarët e vendit dhe po iu them shumë sinqerisht se po kemi 2-3 takime në ditë dhe nuk ka hapësira që ne po i mbajmë takimet që t’i zënë të gjithë qytetarët që janë të interesuar dhe po na bashkohen. Jemi shumë të lumtur sepse qytetarët e vendit e kanë kuptu që Kosova është në një udhëkryq të thellë, të keq dhe me LDK-në Kosova do të stabilizohet dhe kthehet në binarë normal”, ka deklaruar ajo në emisionin “Info Nata” në Tëvë1.
