Trajneri i Barcelonës, Hansi Flick ka marrë një lajm të mirë pas mesfushori Gavi është rikthyer në stërvitje pas një periudhe të gjatë.
Gavi qëndroi jashtë fushe për 298 ditë shkaku i lëndimit të rëndë të gjurit dhe të enjten ka mbajtur stërvitjen e parë me pjesën tjetër të ekipit.
Ai pothuajse është rikuperuar, por te Barcelona nuk duan ta ngarkojnë dhe pritet të jetë i gatshëm për lojë së shpejti.
Rikuperimi i Gavit ka zgjatur gati dhjetë muaj, ndërsa mesfushori ishte lënduar më 19 nëntor të vitit të shkuar në ndeshjen ndërmjet Spanjës dhe Gjeorgjisë.
20-vjeçari pritet të jetë forcë shtesë për Barcelonën në fushë, duke pasur parasysh se është ndër mesfushorët më të vlerësuar në Evropë.
Në total, Gavi ka regjistruar 111 paraqitje me Barcelonën në të gjitha garat, ku ka shënuar 7 gola dhe ka bërë 14 asistime.
Barça këtë vikend do të përballet me Gironan në kuadër të xhiros së pestë të La Ligas.
