Gennaro Gattuso pritet të jetë trajneri i ri i skuadrës së Olympique Lyon.
Mediet franceze raportojnë se italiani, i cili është pushim që pas largimit nga Valencia në janara të 2023-shit, me shumë mundësi do të jetë zëvendësuesi i Laurent Blanc te Lyon.
Gattuso theksohet se ka qenë në Francë në ditët e fundit, për të biseduar nga afër me drejtuesit e klubit të Lyon.
Ndërsa për çështje ditësh pritet edhe zyrtarizmi i italianit në krye të skuadrës që vuan në fund të renditjes së Ligue 1 në këtë fillim sezoni.
Megjithatë deri në momentin që do të zyrtarizohet trajneri i ri, skuadra e Lyon do të drejtohet nga zëvendësuesit e përkohshëm të Blanc, dyshja Vuillez dhe Brechet.
