Mund të kenë kaluar gati 20 vjet që nga përfundimi i serialit “Friends”, por sipas mediave ndërkombëtare çdo aktor paguhet disa milionë në vit.
Seriali është ende duke u transmetuar në shërbimet e transmetimit dhe duke sjellë fitime. Por çfarë do të ndodhë me të ardhurat e Matthew Perry që u nda nga jeta më 28 tetor?
Siç raportojnë mediat, ka tre skenarë të mundshëm se ku do të përfundojnë milionat e fituara nga “Chandler Bing” pas vdekjes së tij.
Një version është që përfituesit e emëruar të marrin paratë. Rasti tjetër shqyrton mundësinë që aktori të ketë caktuar një personi të besuar, i cili do të ishte përgjegjës për mënyrën se si përdoren fondet e veçanta.
Skenari i tretë, analizon situatën ku Perry nuk ka emëruar një përfitues, duke i dhënë ligjit fuqinë për të përcaktuar se çfarë do të ndodhë me pasurinë e tij.
Deri më sot, dëshirat e fundit të Matthew Perry në lidhje me të gjitha pasuritë e tij janë në shqyrtim./abcnews.al
