Zëvendësministrja e Punëve të Jashtme dhe Diaspores, Liza Gashi, ka folur rreth projekteve të ministrisë për diasporën dhe rreth plaftormes “Shijo Kosovën”.
Gashi, thotë se MPJD, në kuadër të planifikimit me Organizatat e Shoqërisë Civile kanë rreth 17 organizata partnere.
“Në kuadër të planifikimit me Organizatat e Shoqërisë Civile ne kemi rreth 17 organizata partnere, në kuadër të punës që e bëjmë. Kemi organizata që ofrojnë monitorime shqip për studentët e Universitetit të Prishtinës, kemi ndërtuar meganizma për transferin e dijës në kuadër të Programit për Diplomaci Publike”, tha ajo në emisionin “Ditari” në Tëvë1.
Tutje, Gashi tha se nga kjo platformë kanë përfituar ministritë në Kosovë.
“Janë disa prej hapave të parë, nëse shohim Ministrinë e Ekonomisë ka një ndërlidhje me Shoqatën e Inxhinierëve të cilët veçse kanë filluar kanalizu ekspertizën e tyre përmes angazhimit në analiza të ndryshme për Ndërmarrjet Publike. Nëse e shohim Ministrinë e Arsimit, ka një angazhim të shoqatave, por edhe të ekspertëve të diasporës që i ndihmojnë direkt në pjesën e dizajnimit të kurrikulave dhe qasjen e mësimit dual. Në disa forma ka lëvizje pozitive në këtë drejtim”, shtoi ajo.
“Shijo Kosovën”, është platforma dedikuar mërgatës e cila është lansuar më 25 korrik në Kosovë. Kryeministri i vendit, Albin Kurti, rreth kësaj platforme ka thënë se do t’i ndihmojë mërgimtarët që të njohim më mirë vendin e origjinës, si dhe ta hulumtojnë përmes aktiviteteve kulturore, sportive e natyrore.
