Deputeti i LDK-së, Arben Gashi ka thënë se për momentin janë në një bllokadë dhe se situata është për keqardhje.
Gashi ka shtuar se pret nga të gjitha partitë politike të bëhen më të përgjegjshme dhe të gjejnë një zgjidhje.
“Për momentin duket se jemi në një bllokadë. Mendoj se situata është për keqardhje por pres që të gjitha partitë politike duke filluar nga LVV-ja të fillojnë të bëhen më të përgjegjshme dhe të gjejnë një zgjidhje”, ka deklaruar ai para fillimit të seancës konstituive të Kuvendit.
