Sipas tij, në takimin që kanë mbajtur nga Bashkimi i Sindikatave të Kosovës, si rezultat shihet mundësia që më datë 8 të muajit prill të mbahet një protestë.
“Ne kemi mbajtur takim , dhe në takimin që kemi mbajtur nga Bashkimi i Sindikatave të Kosovës kanë participuar të gjithë federatat të cilat janë në kuadër të Bashkimit të Sindikatave të Kosovës. Në atë takim janë trajtuar të gjitha problematikat që të cilat janë në vazhdim e sipër, dhe si rezultat i saj ka dalë që të shihet mundësia që me datën 8 të muajit prill të mbahet një protestë, dhe për këtë protestë duhet të bëhet pyetje pse ka ardhur deri këtu, cilat janë arsyjet pse është marrë ky vendim, dhe jo thjesht të paragjykohet pasi që siç e dini Bashkimi i Sindikatave të Kosovës dhe të gjitha federatat të cilat janë në kuadër të Bashkimit të Sindikatave, si Sindikata e Shëndetësisë, Federata e Arsimit, Federata e Administratës Publike dhe të tjera, me kohë dhe në vazhdimësi janë dërguar shkresa zyrtare dhe kërkesa Qeverisë që të ulemi dhe të bisedojmë duke marrë parasysh situatën në të cilën jemi tash aktualisht”, u shpreh Gashi.
Gashi tha se Qeveria nuk ka gjetur kohë të mjaftueshme për të dëgjuar zërin e sindikatave për gjetjen e alternativave që janë të pranueshme për palët, duke thënë se sindikatat janë vetëm zëri i antarësisë.
“Fatkeqësisht Qeveria nuk ka gjetur kohë të mjaftueshme me nda me këto sindikata, me dëgju zërin e sindikatave, dhe të gjejnë alternativa të cilat kishin me qenë të pranueshme për palët. Duhet të kemi parasysh që sindikatat nuk janë ato që vendosin për protesta, është zëri i antarësisë, sindikatat janë vetëm një mekanizëm të cilët janë të obliguar ta dërgojnë zërin e antarësisë deri te Qeveria, ndërsa Qeveria është e obliguar të bëjë politika dhe të gjejë alternativa dhe variante se si dilet”, theksoi ai.
Bashkimi i Sindikatave të Kosovës kanë qenë gjithmonë të hapur për bashkëpunim me Qeverinë, dhe shpresojnë që Qeveria do të gjejë kohë për të mbajtur takim me ta dhe të flasin për të gjitha problematikat me të cilat ata përballen, ku sipas tij ata kanë shfrytëzuar mundësinë gjithmonë t’i drejtohen Qeverisë jo vetëm përmes shkresave por edhe përmes kanaleve e mediave të ndryshme, deklaroi Gashi.
“Në fund të fundit, ne gjithmonë e kemi thënë dhe kemi theksuar që jemi të hapur dhe jemi për bashkëpunim po ashtu jemi të gatshëm ta gjejmë një zgjedhje e cila do të ishte e pranueshme për palët. Unë prap besoj që Qeveria do të gjejë kohë dhe arsye që të na ftojë, pasi që ne e kemi deklaruar në atë takim që jemi të hapur të ulemi dhe të bisedojmë të gjitha problematikat të cilat ne kemi. Siç e dini Bashkimi i Sindikatave të Kosovës dhe federatat, çdo ditë dhe në çdo kohë, u jemi drejtuar Qeverisë jo vetëm përmes shkresave, por përmes kanaleve të ndryshme duke shfrytëzuar edhe mediat e duke u bërë ftesë që të ulemi dhe të gjejmë një zgjedhje. Ne nuk i paragjykojmë zgjedhjet, ne vetëm duam të ulemi dhe ti diskutojmë këto problematika. Ne jemi të vetëdijshëm që situata nuk është e mirë, megjithatë çmimet të cilat janë në rritje të vazhdueshme ku situata ekonomike është pothuajse në kolaps, por ne jemi dëshmitar që Qeveritë e rajonit kanë bërë zgjedhje, unë konsideroj që qëllimi i Qeverisë duhet të japë alternativa, të japë arsyeshmëri dhe në fund të fundit të dalin me qëndrim e të thuhet “njerëz kjo është situata” , “punëtor kjo është situata”, “popull kjo është situata”, sepse të gjithë të punësuarit edhe të sektorit publik dhe atij privat, janë qytetarë të Republikës së Kosovës, kanë familje dhe kanë nevoja”, u shpreh ai.
