Deputeti i zgjedhur nga Lista e Vetëvendosjes Blerim Gashi, ka thënë se momentalisht nuk janë duke diskutuar për zgjedhjen e presidentit të vendit, dhe as për emrin e Vjosa Osmanin.
Ai ka thënë se për momentin prioritet krahas formimit të Kuvendit dhe Qeverisë, kanë miratimin e buxhetit për vitin 2026 dhe ratifikimin e marrëveshjeve ndërkombëtare.
Për zgjedhjen e presidentit ai ka thënë se kur të vijë koha e bëjmë.
“Kur tvije koha e bëjmë, nuk është kjo shohim e bëjmë. Pa ndonjë gajle të madhe, konsideroj që është situatë e cila në pjekurinë politike duhet të kapërcej”, ka thënë ai në emisionin “Këndi i Debatit” në Tëvë1.
Gashi ka thënë se do të ishte mirë që të ketë një president apo presidente konsensuale dhe duhet parë edhe disponimin e partive opozitare.
“Duhet me pa cili është disponimi edhe i partive opozitare parlamentare që ta shohim si po ja bëjmë zgjedhjes së presidentit/es”, ka thënë ai.
Presidentja aktuale, Vjosa Osmani ka bërë të qartë se dëshiron edhe një mandat.
Ndërsa, PDK dhe LDK kanë thënë se nuk do ta votojnë asnjë kandidat të propozuar nga LVV për president pa një marrëveshje politike.
