Kenan Gashi nga Rrjeti i OJQ-ve AVONET ka thënë se përgjegjësia dhe llogaridhënia e subjekteve politike në raport me qytetarët është zero.
Në emisionin “Info Nata” në Tëvë1, Gashi ka theksuar se për këtë sjellje të tyre do të duhej të ndërmerreshin masa radikale.
“Unë si aktivist i shoqërisë civile e kam vërejtur dhe çdo ditë po bindem se përgjegjësia e partive politike në raport me qytetarët është zero. Llogaridhënia e tyre para qytetarëve, para votuesve është zero dhe kjo tregon përkushtimin e tyre në interesin publik. A duhet të ketë masa radikale për këta deputetë? Natyrisht që duhet të ketë. Po të ishte në një vend tjetër besoj që shumë qytetarë do të ishin ngritur në këmbë edhe do ta kishin reaguar për problematikën. 30 ditëshit të vendimit të Gjykatës Kushtetuese i ka ardhur fundi dhe ne nuk kemi parë asnjë lëvizje”, ka deklaruar ai.
