Gashi, u shpreh se ka vullnet nga përmbaruesit që të shkohet me bojkot total dhe të mos pranohen më lëndë të reja, por të punojnë vetëm ato që i kanë pranuar më herët.
“Ne kemi filluar ndërmarrjen e disa hapave dhe ditëve dhe javëve në vijim do t’i ndërmarrim disa të tjera. Ne jemi në proces të këshillimit të brendshëm për të angazhuar ndonjë avokat ose edhe vet të veprojmë që rastin ta ndjekim me procedura gjyqësore. Ne jemi profesionistë dhe veprojmë në mënyrë profesionale, ne nuk dalim me hedhë gaz lotsjellës ndaj Ministrisë së Drejtësisë as ndaj Qeverisë së Kosovës, ne nuk e gjuajmë me gur Ministrinë e Drejtësisë as Qeverinë e Kosovës, ne i ndjekim procedurat zyrtare, rrugët gjyqësore profesionale. E para është, do të ndjekim procedurat gjyqësore. (Do të bëni padi?) Absolutisht. E dyta e kemi në proces shqyrtimi edhe bojkotin total, mund të bojkotohet komplet zbatimi i udhëzimit administrativ në fjalë, që do të thotë lëndët e reja mund të mos i pranojmë fare”, tha ai në emisionin “De Jure” në Tëvë1.
Gashi deklaroi se të gjitha këto do të shqyrtohen, por që tha se ky udhëzim administrativ nuk do të zbatohet ashtu siç po mendon Ministria e Drejtësisë.
Për më shumë, ndiqeni emisionin “De Jure”, me temën “Sfidat e përmbaruesve privatë”, i cili transmetohet në Tëvë1 dhe “Betimi për Drejtësi”./Tëvë1/
