Kryeredaktori i televizionit Tëvë 1, Zijadin Gashi i ka komentuar deklaratat e presidentit serb, Aleksandar Vuçiq i cili pas takimit në Bruksel tha se nuk u arrit marrëveshje pasi që nuk pati dakordim për krijimin e Asociacionit të Komunave me shumicë serbe.
Gashi ka thënë se kjo është një taktikë e Vuçiqit, pasi pas themelimit të Asociacionit ai do ta ngrisë çështjen e statusit të Kishës Ortodokse.
“I dëgjuam të gjitha palët dhe Vuçiqi e ka përdor një taktikë besoj, se prej fillimit Vuçiqit ka qenë një pikë që atij i ka interesuar. Në momentin që përfundon Asociacioni do ta ngrit një çështje tjetër, do të jetë ajo e Kishës Ortodokse. Ky ishte taktizimi i Vuçiqit që e ka përdor edhe në këtë rast. Ai ka dashtë që të dekoncentrojë palën tjetër. Është mirë që megjithatë ka një dakordim për planin e BE-së sepse kjo ka qenë ajo sfida e parë që një negociator me përvojë duhet ta kalonte këtë rast. Kurse sa i përket çështjes se çfarë Asociacioni, kjo do të jetë një betejë, nuk besoj që është kry. Do të jetë një betejë tjetër që do të zhvillohet. Edhe gjendja faktike në terren është prej faktorëve determinues në këto rrethana. Kosova duhet me urgjencë të kthejë rendin dhe ligjin në pjesën veriore dhe kjo e ndihmon”, ka shtuar ai në Këndin e Debatit në Tëvë 1.
