Deputeti i Lidhjes Demokratike të Kosovës, Arben Gashi, ka thënë se pret që deputetët e partisë së tij të votojnë në bazë të qëndrimit partiak për zgjedhjen e qeverisë Kurti III.
LDK deri tani ka refuzuar një marrëveshje politike me LVV-në dhe vazhdimisht kanë theksuar se nuk do të votojnë qeverinë Kurti III.
Këtë koment, Gashi e dha pak para fillimit të seancës ku pritet të hidhet në votim kabineti qeveritar i propozuar nga mandatari për kryeministër, Albin Kurti.
“Do të jetë qëndrimi i partisë dhe s’do të ketë qëndrime të ndryshme. Kjo është një çështje e ndjeshme dhe s’ka hapësirë për mendime individuale, pasi ka të bëjë me përkatësinë politike dhe orientimin politik,” tha ai.
