Komisioni Qendror i Zgjedhjeve ka nisur publikimin e rezultateve preliminare për kandidatët për asamble komunale në të gjithë vendin. Në komunën e Mitrovicës së Jugut, deri tani janë numëruar 8.57% e votave.
Nga Partia Demokratike e Kosovës, bartësi i listës, Arian Tahiri, kryeson me 1,126 vota. Pas tij renditet Fisnik Suma me 88 vota.
Nga radhët e Lëvizjes Vetëvendosje, kandidati me më së shumti vota është Armend Begu me 569 vota, ndërsa e dyta në listë është Erseka Barani me 44 vota.
Rezultatet preliminare nga të gjitha komunat janë të qasshme dhe po përditësohen vazhdimisht në faqen zyrtare të KQZ-së.
